ओली र लेखकलाई थप ५ दिन हिरासतमा राख्न अनुमति
मकालु खबर २०८२ चैत २२ गते
काठमाडौं । पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकलाई थप ५ दिन हिरासतमा राख्न अदालतले अनुमति दिएको छ ।
जिल्ला अदालत काठमाडौंका न्यायाधीश जगतबहादुर पौडेलको इजलासले आइतबार पाँच दिन म्याद थप गरेको सूचना अधिकारी दीपककुमार श्रेष्ठले जानकारी दिए ।
अदालतको आदेशअनुसार ओली र लेखकलाई चैत २१ गतेदेखि लागू हुने गरी ५ दिन हिरासतमा राखेर आवश्यक अनुसन्धान गर्न अनुमति प्रदान गरिएको छ ।
उनीहरूमाथि ज्यानसम्बन्धी कसुरमा अनुसन्धान भइरहेको छ । सोही क्रममा दुवै जनाको बयान लिइसकिएको प्रहरीले जनाएको छ ।
यद्यपि थप अनुसन्धान, प्रमाण संकलन तथा अन्य आवश्यक प्रक्रिया पूरा गर्न बाँकी रहेको भन्दै अदालतले म्याद थप गरेको हो ।
मकालु खबर २०८२ चैत २२ गते
प्रतिक्रिया
सम्बन्धित
