गृहमन्त्रालयद्वारा ७ जिल्लाका सीडीओ सरुवा, ५८ जना अधिकृत हेरफेर
मकालु खबर
काठमाडौं । गृहमन्त्रालयले ७ जिल्लाका प्रमुख जिल्ला अधिकारी (सीडीओ)हरूको सरुवा गरेको छ ।
गृहमन्त्री ओमप्रकाश अर्यालको उपस्थितिमा बुधबार बसेको बैठकले ५८ जना कर्मचारीको सरुवा गर्ने निर्णय गरेको हो ।
सरुवा भएका मध्ये सहसचिव र उपसचिवस्तरका कर्मचारीहरू रहेका छन् । मन्त्रालयले जारी गरेको सूचनाअनुसार गुल्मी, दैलेख, पाँचथर, रोल्पा, जुम्ला, डोटी र मुस्ताङका प्रमुख जिल्ला अधिकारीहरूको हेरफेर गरिएको हो ।
मन्त्रालयका अनुसार सरुवा भएका सीडीओहरू यसप्रकार छन्ः
बद्रीनाथ गैह्रे – गुल्मी
आनन्द सारु – दैलेख
बासुदेव दाहाल – पाँचथर
गंगा बहादुर क्षेत्री – रोल्पा
दीपक पौडेल – जुम्ला
कल्पना घिमिरे – डोटी
अजिता शर्मा – मुस्ताङ
त्यस्तै, विभिन्न जिल्लाका सहायक प्रमुख जिल्ला अधिकारीहरू समेतको पनि सरुवा गरिएको मन्त्रालयले जनाएको छ ।
गृहमन्त्रालयले सरुवालाई नियमित प्रशासनिक प्रक्रिया अन्तर्गतको कार्य भनेको छ ।
मकालु खबर
