राष्ट्रिय सभा सदस्यमा शाक्य र महालेखापरीक्षकमा राया नियुक्त

काठमाडौँ । राष्ट्रपति रामचन्द्र पौडेलले संवैधानिक परिषद्को सिफारिसमा तोयम रायालाई नेपालको संविधानको धारा २४० को उपधारा (२) बमोजिम महालेखापरीक्षकको पदमा नियुक्त गरेका छन् ।

वैशाख ६ गते बिहीबार उनलाई नियुक्त गरिएको हो ।

त्यस्तै राष्ट्रपति पौडेलले संविधानको धारा ८६ को उपधारा (२) को खण्ड (ख) बमोजिम नेपाल सरकारको सिफारिसमा डा.अन्जान शाक्यलाई राष्ट्रिय सभा सदस्यमा मनोनयन गरेका छन् ।

वैशाख ३ गते बिहीबार उनलाई मनोनयन गरिएको हो ।