जाजरकोट भूकम्प: १३८ जनाभन्दा बढीको मृत्यु, घाइतेको सङ्ख्या कम्तीमा १६६

काठमाडौं । जाजरकोट भूकम्पमा मृत्यु हुनेको संख्या १३८ पुगेको छ ।

जाजरकोटमा १०० जना र रुकुम पश्चिममा ३८ जनाको मृत्यु भएको नेपाल प्रहरीले जनाएको छ ।

त्यस्तै, स्थानीय तहहरुले संकलन गरेको विवरण केही बढी पनि देखिएको छ । नेपाल प्रहरीले दिउँसो २ बजेसम्म संकलन गरेको विवरण अनुसार घाइतेको संख्या १६६ छ ।

जसमध्ये जाजरकोटमा ८१ र रुकुमपश्चिममा ८५ घाइते रहेका छन् ।

हिजो शुक्रबार राति ११ बजेर ४७ मिनेट जाँदा जाजरकोटको बारेकोट गाउँपालिका–१ रामीडाँडा केन्द्रविन्दु भएर ६.४ रेक्टर स्केलको भूकम्प गएको थियो ।