मिर्गौला तथा क्यान्सर पीडितलाई आर्थिक सहयोग
मकालु खबर
तनहुँ । तनहुँ समाज हङकङले मिर्गौला तथा क्यान्सरपीडितलाई आर्थिक सहयोग गरेको छ ।
हङकङमा बसोबास गर्ने तनहुँवासीको संस्था तनहुँ समाज हङकङले जिल्लाका मिर्गौला तथा क्यान्सरबाट पीडित बिरामीलाई रु पाँच लाख ७६ हजार आर्थिक सहयोग गरेको हो ।
समाजले बन्दीपुर गाउँपालिका–४ का दुवै मिर्गौलासम्बन्धी समस्या खेपिरहेका सुकबहादुर गुरुङ, ऋषिङ गाउँपालिका–८ का सोमबहादुर नेपाली र क्यान्सरपीडित सोही वडाका दुर्गबहादुर थापालाई जनही रु एक लाख ९२ हजार आर्थिक सहयोग प्रदान गरिएको छ ।
समाजका अध्यक्ष कर्णबहादुर नेपाली, पूर्व अध्यक्ष भीमराज गुरुङ, जङ्गबहादुर थापाले आज आयोजित कार्यक्रम पीडितका आफन्तलाई उक्त रकम हस्तान्तरण गरेका छन् ।
समाजले २०५६ सालदेखि जिल्लामा रु एक करोडभन्दा बढी सहयोग गरिसकेको समाजका पूर्व अध्यक्ष गुरुङले जानकारी दिए ।
उनले भने, ‘समाज गठन भएदेखि नै कसैलाई दुःख परेको थाहा पाउनेबित्तिकै रकम सङ्कलन गरी हस्तान्तरण गर्दै आएका छौँ ।’
समाजले जिल्लामा भूकम्पपछिको पुनः निर्माण, बाढी पहिरोजस्ता दैवी प्रकोपबाट पीडितलाई समेत सहयोग गर्दै आएको छ ।
तनहुँको शिक्षा, स्वास्थ्य र खानेपानी, सञ्चारसम्बन्धी पूर्वाधार विकास तथा पत्रकारिता प्रवद्र्धनमा समाजले सहयोग गर्दै आएको छ ।
मकालु खबर
