एमालेद्वारा कर्णालीका मुख्यमन्त्री राजकुमार शर्मालाई दिएको समर्थन फिर्ता

काठमाडौँ । नेकपा एमालेले कर्णालीका मुख्यमन्त्री राजकुमार शर्मालाई दिएको समर्थन फिर्ता लिएको छ । एमाले प्रदेश संसदीय दलका नेता यामलाल कँडेलले प्रदेश प्रमुखलाई पत्र लेख्दै समर्थन फिर्ता लिएका हुन् ।

पत्रमा आज चैत २७ गतेदेखि लागू हुने गरी सरकारलाई दिएको समर्थन फिर्ता लिएको जानकारी गराइएको छ । आइतबार एमालेबाट सहभागी तीन जना मन्त्रीहरूले राजीनामा दिएका थिए ।

एमालेबाट कर्णाली प्रदेश सरकारका आर्थिक मामिला तथा योजना मन्त्री विनोद कुमार शाह, उद्योग, पर्यटन वन तथा वातावरण मन्त्री जितबहादुर मल्ल र सामाजिक विकास मन्त्री टेकराज पछाईले मुख्यमन्त्री समक्ष राजीनामा बुझाएका थिए ।