कोरोना कहरबीच बकर इद‚ सुनसान मस्जिद (तस्बिरहरू)

काठमाडौं । मुस्लिम धर्मावलम्बीको दोस्रो महान् पर्व बकर इद (इदुल जोहा) आज देशभरका मस्जिदमा हर्षोल्लासपूर्वक मनाइँदैछ । इदुल फित्र अर्थात् रमजान पर्वको ७० औँ दिनमा बकर इद मनाउने धार्मिक विधि रहिआएको छ ।

इस्लामिक पात्रोअनुसार १२ औँ महिना अर्थात् दिल हिज्जाको १० औँ दिन यो पर्व मनाउने गरिएको छ । यस दिन मुस्लिम धर्मावलम्बी बिहानै स्नान गरी नजिकैको मस्जिद वा इदगाहमा गई सामूहिक नमाज पढ्छन् । नमाज पढिसकेपछि एकापसमा अङ्कमाल गर्दै शुभकामना आदान प्रदान गरिन्छ ।

कोरोना महामारीभन्दा अघि नमाज पढ्नेको भीड लाग्ने घन्टाघरमा रहेको काश्मिरे मस्जिदमा योपटक भने सन्नाटा छाएको छ । थोरै मात्र धर्मावलम्बीले नमाज पढेका छन् ।

तस्बिरहरू: