अवरुद्ध नारायणगढ-मुग्लिन सडक १४ घण्टा पछि खुल्यो
मकालु खबर
२०७७ असार ३ गते
चितवन । पहिरोका कारण अवरुद्ध बनेको नारायणगढ-मुग्लिन सडक करिब १४ घण्टा पछि सञ्चालनमा आएको छ ।
इच्छाकामना गाउँपालिका ६ स्थिति चार किलोमा बुधवार बिहान सवा चार बजे पहिरो खसेको थियो । खसेको पहिरो साँझ साढे ६ बजे हटाइएको हो ।
अहिले एकतर्फी मात्रै सञ्चालनमा ल्याइएको नारायणगढ मुग्लिन सडक आयोजनाका सूचना अधिकारी शिव खनालले जानकारी दिए । दुईतर्फी सञ्चालन गर्न भने समय लाग्ने छ ।
ठुलो पहिरो खसेको हुँदा पाँच वटा डोजर प्रयोग गरी हटाइँदै छ । बाटो सञ्चालन भएसँगै अलपत्र परेका यात्रु गन्तव्य तर्फ लागेका छन् । चार किलो नारायणगढ मुग्लिन सडकको सबैभन्दा बढी पहिरो जाने स्थान हो ।
मकालु खबर
२०७७ असार ३ गते
प्रतिक्रिया
सम्बन्धित