कुर्था-जनकपुर-जयनगर रुटमा चल्ने रेल चैत १८ गते नेपाललाई हस्तान्तरण
फागुन १५, काठमाडौँ । सरकारले गत पुसमै संंचालन गर्ने भनिएको कुर्था-जनकपुर-जयनगर रुटमा चल्ने रेल चैत १८ गते नेपाल आईपुग्ने भएको छ ।
चैतको १८ गते भारतीय रेल निर्माता कम्पनीले रेल नेपाललाई हस्तान्तरण गर्ने तय भएको रेल विभागमा माहानिर्देशक बलराम मिश्रले जानकारी दिए ।
डिजेल इलेक्ट्रिफाइड मल्टिपल युनिट प्रविधिको यस रेलमा पाँच वटा डिब्बा रहेको छ भने यस रेलमा एकैचोटी १२ सय यात्रुले यात्रा गर्न सक्नेछन् । यस अघी नेपालमा कोइलाबाट चल्ने रेल संचालनमा ल्याईएको थियो ।
रेल विभागले ८४ करोड ६५ लाख रुपैयाँमा भारतको सरकारी कम्पनी कोकन रेल्वे कर्पोरेसनसँग किनेको यस रेलको संचालनको जिम्मा सरकारले सरकारी स्वामित्वको नेपाल रेल्वे कम्पनीलाई दिएको छ ।
रेल नेपाल ल्याएको केही महिनापछि सञ्चालनमा ल्याउन सकिने बताउने विभागका महानिर्देशक मिश्रले रेल कहिलेबाट चल्न सुरु गर्छ भन्ने तय नभएको बताउँछन् ।