गण्डकीका मुख्यमन्त्रीले विश्वासको मत पाएको घोषणा
मकालु खबर
२०८१ वैशाख २३ गते
काठमाडौं । गण्डकीका मुख्यमन्त्री खगराज अधिकारीले विश्वासको मत पाएको घोषणा गरिएको छ ।
सभामुख कृष्णप्रसाद धितालले सर्वोच्च अदालतको व्याख्याअनुसार अधिकारीले विश्वासको मत पाएको घोषणा गरेका हुन् ।
प्रमुख प्रतिपक्षी नेपाली कांग्रेसका सांसदको विरोधका बावजुद सभामखु धितालले उक्त घोषणा गरेका हुन् ।
धितालले आफूलाई पनि संविधानको धारा १८६ अनुसार मतदान गर्ने अधिकार भएको भन्दै आफूसहित मुख्यमन्त्री अधिकारीलाई बहुमत भएको घोषणा गरे ।
सभामुखले असंवैधानिक बाटोबाट मुख्यमन्त्रीलाई बहुमत पुगेको घोषणा गरेका भन्दै कांग्रेस सांसदहरुले कालोझण्डा देखाएर विरोध गरेका थिए ।
मुख्यमन्त्री अधिकारीले ३० मत पाएका थिए । प्रदेशसभामा ६० सांसद छन् । बहुमतका लागि ३१ सिट चाहिन्छ । तर सभामुखले ३० लाई नै बहुमत घोषणा गरिदिएका हुन् ।
मकालु खबर
२०८१ वैशाख २३ गते
प्रतिक्रिया
सम्बन्धित