युएईको अबुधाबीमा १८ नेपालीसहित २४ जना कामदार बोकेको बस दुर्घटना, पाँचको मृत्यु

माघ २, काठमाडौं । युएईको आबुधाबीमा २४ जना कामदार बोकेको सवारी दुर्घट्ना हुँदा ५ जनाको मृत्यु भएको छ । 

नेपाली कामदार बोकेको गाडी दुर्घटना भएकोले मृतक पनि  नेपाली हुनसक्ने आबुधाबीस्थित नेपाली दूतावासले जनाएको छ । तर, मृतकको पहिचना भने भइनसकेको दूतावसले जनाएको छ । 

२४ जना मध्ये १८ जना नेपाली कामदार रहेको कम्पनीले जनाएको छ । अन्य श्रीलंका र अफ्रिकि मुुलुकका महिला कामदार रहेको बताइएको छ । बसमा सवार सबै सरसफाइ सम्बन्धी काम एमबीएम कम्पनीका कामदार हुन् । 

नेपाली कामदारको अवस्था र विवरण संकलन गर्न दूतावासका प्रतिनिधि घाइतेको उपचार भइरहेको अस्पतालमा पुगेको दूतावास श्रोतले जनाएको छ ।   

घाइतेहरुको आबुधाबीको विभिन्न अस्पतालमा उपचार भइरहेको छ ।