पुस १५ देखि इन्टरनेटको मूल्य बढ्ने
मकालु खबर
पुस ६, काठमाडौँ । पुस १५ गतेदेखि इन्टरनेटको मूल्य बढ्ने भएको छ । १३ प्रतिशत इन्टरनेट सेवामा अतिरिक्त कर (टिएससी) सम्झौता कार्यान्वयन नभएको भन्दै इन्टरनेट सेवा प्रदायक कम्पनीले शुक्रबार इन्टरनेटको मूल्य बढाउने निर्णय गरेको हो ।
सेवा प्रदायक कम्पनी (आइएसपान) का अध्यक्ष भोजराज भट्टले शुक्रबार बसेको बैठकले इन्टरनेटको मूल्य बढाउने निर्णय गरेको जानकारी दिए ।
अध्यक्ष भट्टले अतिरिक्त कर कार्यान्वयन गराउँदा सरकारप्रति नकारात्मक जनगुनासा आएको भन्दै मन्त्रीको रोहबरमा सम्पूर्ण सरोकारवाला निकायसँगको सहकार्यमा समिति गठन गरी इन्टरनेटको मूल्य समायोजन गर्ने सम्झौता भएतापनि कार्यान्वयनमा नआएको बताए ।
null
भट्टले सरकार आफैँले गरेको सम्झौता कार्यान्वयन नगरेका कारण विद्युत प्राधिकरणले मूल्यवृद्धि नघटाए पुसदेखि प्रतिग्राहकले इन्टरनेटको मूल्यमा एक हजार रुपैँया तिर्नुपर्ने चेतावनी दिए ।
‘मन्त्रीज्यू सम्झौताको मूल मर्म भनेको १३ प्रतिशत अतिरिक्त शुल्क पुरानै दररेटमा समायोजन गर्ने, इन्टरनेटको सेवा प्रदायकको माग सम्बोधन गरी शुल्क समायोजन गर्नको लागि नीतिगत सहयोग गर्ने, इन्टरनेट सेवा प्रदायकले पनि समायोजनामा योगदान गर्ने इन्टरनेट सेवामा मूल्य वृद्धि हुने गरी कुनै पनि सरकारी निकायले कामकारबाही नगर्न अनुरोध गर्ने नै थियो ।’
‘सम्झौता भएको पाँच महिना व्यतित भैसक्दा पनि नेपाल दूरसञ्चार प्राधिकरणलाई उक्त सम्झौता कार्यान्वयनका लागि पटकपटक अनुरोध गर्दासमेत कुनै निकास आएको छैन’, उनले आइएसपानका तर्फबाटसंचार तथा सूचना प्रविधिमन्त्रीको नाममा पत्र लेख्दै भनेका छन्, ‘अब यस सेवा प्रदायक संस्थाको आकस्मिक बैठकले पुस १५ गतेबाट लागु हुने गरी १३ प्रतिशत अतिरिक्त दूरसञ्चार सेवा शुल्क लिने निर्णय गरेको हुँदा सोको जानकारी गर्दछौँ।’
मकालु खबर
