विश्वकप तयारी: पोर्चुगलद्वारा अल्जेरिया पराजित

“

काठमाडौं, जेठ २५ ।  विश्वकप तयारीको अन्तिम खेलमा पोर्चुगलले अल्जेरियालाई पराजित गरेको छ ।

बिहीबार राति भएको मैत्रीपूर्ण खेलमा पोर्चुगलले आफ्नै मैदानमा अल्जेरियालाई ३ –० गाेल अन्तरले हरायो । पीएसजीबाट लोनमा भ्यालेन्सियाका लागि खेलिरहेका मिडफिल्डर गोल्कानो गुडेसले २ गोल गरे ।

क्रिष्टियानो रोनाल्डोले गरेको गोल अफसाइड करार भएपछि बनाण्डो सिल्भाको क्रसमा गुडेसले पहिलो गोल गरेका थिए । अर्का मिडफिल्डर बुर्नो फर्नाण्डेजले पनि रोनाल्डोको क्रसलाई सदुपयोग गरी हेडमार्फत दोस्रो गोल गरे ।

राफायल गुरेरियोको पासमा २१ वर्षीय विंगर गुडेसले व्यक्तिगत दोस्रो तथा टिमका लागि तेस्रो गोल गरे । पोर्चुगलले जुन १५ मा स्पेनविरुद्धको खेलसँगै विश्वकपको यात्रा सुरु गर्नेछ ।

“