मकालु खबर
ताजा, शुलभ, निष्पक्ष

जातीय छुवाछूत गर्ने गुरुकूलका अध्यक्ष चापागाई पक्राउ

झापा, जेष्ठ १५ । दलितलाई अपमान गर्ने भद्रपुरस्थित श्रीकृष्ण द्वैपायन वेद विद्याश्रम (गुरुकूल) विद्यालय व्यवस्थापन समितिका अध्यक्ष राजेन्द्र चापागाईंलाइ प्रहरीले पक्राउ गरेको छ ।

इलाम नगरपालिका–५ बरबोटेका दलित बालक विकास कार्कीडोली (दर्जी) लाई गुरुकूलमा भर्ना नलिएर जातीय छुवाछूत गरेको आरोपमा चापागाईंलाई प्रहरीले मंगलबार पक्राउ गरेको हो ।

जिल्ला प्रहरी कार्यालयका प्रहरी प्रमुख प्रहरी उपरीक्षक विष्णु केसीले चापागाईंमाथि जातीय छुवाछूत गरेको किटानी जाहेरी परेको बताए ।

प्रहरीले शनिबार राति नै गुरुकूलका शिक्षक राजन पौडेललाई पक्राउ गरे पनि असम्बन्धित भनी सोधपुछपछि छाडिदिएको थियो ।

शनिबार आयोजित गुरुकूलको विशेष साधारणसभाले विद्यार्थी भर्ना गर्ने निर्णय गरिसकेको छ ।

प्रतिकृयाहरु
Loading...