चितवन निकुञ्जमा बाघ गणना सुरू

“

पुस ५, भरतपुर । चितवन राष्ट्रिय निकुञ्जमा बाघ गणना सुरू भएको छ । चितवन राष्ट्रिय निकुञ्जका सूचना अधिकारी नुरेन्द्र अर्यालले चितवन राष्ट्रिय निकुञ्जमा बाघ गणना सुरू भएको जानकारी दिए ।

निकुञ्जमा दुई वर्ग किलोमिटरको फरकमा एक ठाउँमा क्यामरा राखेर बाघ गणना गर्न सुरु गरिएको उनले बताए । क्यामरामा कैद भएका बाघका फोटो हेरेर नै संख्या गणना हुने छ । निकुञ्जमा १० वटा हात्ती, ६० भन्दा बढी जनशक्ति गणनामा परिचालन गरिएको छ ।

बाघ गणना कार्यमा निकुञ्ज विभाग, राष्ट्रिय प्राकृतिक संरक्षण कोष, विश्व वन्यजन्तु कोष, ताल परियोजना, जेडएसएललगायतका संस्थाको सहयोग बाघ गणना भएको हो । नेपालमा सन् २०१३ मा बाघको गणना भएको थियो । त्यतिबेला बाघको संख्या १९८ थियो ।

 “