रुसमाथि प्रतिबन्ध कायम, विन्टर ओलम्पिक खेल्न नपाउने

“

मंसिर २०, काठमाडौं । रुसले आउँदो वर्ष हुने विन्टर ओलम्पिक खेल्न नपाउने भएको छ । अन्तराष्ट्रिय ओलम्पिक कमिटि (आइओसी) ले रुसलाई आउँदो वर्ष हुने विन्टर ओलम्पिकमा सहभागी हुन नपाउने गरी प्रतिबन्ध लगाउने निर्णय गरेको हो ।

आइओसीको हेडक्वाटर स्वीट्जरल्याण्डको लाउसान्नेमा हुने विशेष बैठकले विन्टर ओलम्पिकमा रुसलाई प्रतिबन्ध लगाउने निर्णय गरेको हो । तर डोपिङमा दोषी नपाइएका रुसी खेलाडीले भने स्वतन्त्र झण्डा लिएर दक्षिण कोरियामा हुने प्रतियोगितामा भाग लिन पाउने आइओसीका अध्यक्ष थोसम बाचले बताएका छन् ।

रियो ओलम्पिकमा प्रतिबन्ध खेपेको रुसमाथि आउँदो फेब्रुअरी ९ देखि सुरु हुने विन्टर ओलम्पियकमा पनि खेल्न नपाउने भएको हो ।

“