कांग्रेस नेता सिटौलाको घरमा बम विस्फोट

“

मङ्सिर १२, काठमाडौं । नेपाली कांग्रेसका नेता कृष्ण प्रसाद सिटौलाको झापास्थित घरमा बम विस्फोट भएको छ । घरको कम्पाउन्डमा भएको विष्फोटबाट कुनै मानवीय क्षति भने नभएको प्रहरीले जानकारी दिएको छ ।

झापा ३ का उमेदवारसमेत रहेका सिटौलाको घरको कम्पाउन्डमा बिस्फोट हुँदा पर्खालमा क्षति पुगेको छ ।

गएराति करिब १ बजे भएको सो विस्फोटबाट कुनै पनि क्षति नभएको र शंकास्पद एकजनालाई पक्राउ गरिएको झापाका प्रहरी प्रवक्ता जितेन्द्रकुमार बस्नेतले जानकारी दिए ।

“