जिपको ठक्करबाट साइकल यात्रीको मृत्यु

“

कात्तिक २८, काठमाडौं । काठमामडौंको बालाजुमा जिपले साइकललाई ठक्कर दिंदा एक साइकलयात्रीको मृत्यु भएको छ । अर्का एक जना घाइते भएका छन् ।

सोमबार राति करिब ११ बजे नम्बर नखुलेको जिपको ठक्करबाट घाइते भएका नुवाकोट गेर्खुका शेखर प्याकुरेलको उपचारका क्रममा त्रिभुवन विश्वविद्यालय शिक्षण अस्पताल महाराजगञ्जमा निधन भएको हो । साइकलको पछाडि रहेका तनहुँ दमौलीका मन्दीप परियारको पिपल्स अस्पतालमा उपचार भइरहेको छ ।

दुर्घटनापश्चात् जिपसहित चालक फरार रहेको र चालकको खोजी भइरहेको प्रहरीले जनाएको छ ।

“