‘राज्जा रानी’ को ‘चिपक चिपक’ बजारमा (भिडियोसहित)

काठमाडौं, कात्तिक २५ । केकी अधिकारी र नाजिर हुसेन स्टारर चलचित्र ‘राज्जा रानी’ को प्रदर्शन मिति सरेको छ । पूर्वनिर्धारित भन्दा चलचित्र एक साता अगाडि प्रदर्शन हुन लागेको हो ।

याम थापा निर्देशित चलचित्र पुस २१ गते देशव्यापी प्रदर्शन हुनेछ । नयाँ रिलिज मिति घोषणासँगै गीत पनि रिलिज गरिएको छ ।

दीपक शर्माद्धारा संगीतबद्ध ‘चिपक चिपक…’ बोलको गीतमा केकी र नाजिर फिचर छन् । नेपालगन्जको पठारमा छायांकन गरिएको यो रोमान्टिक नम्बरमा नरहरि प्रेमी र सुमिना लोको स्वर समावेश छ । राजेन्द्र थापाले गीत लेखेका हुन् ।  प्रेमकथामा आधारित चलचित्रलाई रमेश एमके पौडेलले निर्माण गरेका हुन् ।