आगलागीमा एकै परिवारका चारजनाको सुतैकै ठाउँमा मृत्यु

“

मोरङ, असोज ५ ।  मोरङको कानेपोखरी गाउँपालिका–३ हरकपुरमा भएको आगलागी हुँदा चारजनाको जलेर ज्यान गएको छ । बुधबार राति घरमा सुतिरहेका बेला आगलागी हुँदा घरका सबै चारजनाकै ज्यान गएको प्रहरीले जनाएको छ ।

ज्यान जानेमा घरमुली चन्द्रकुमार राई उहाँकी आमा गंगामाया राई, श्रीमती पार्वती राई, बहिनी बिष्णुमाया राई छन् । तीनजनाको शवको अवशेष भेटिएपनि चन्द्रबहादुरको शव भने नभेटिएको ईलाका प्रहरी कार्यालय पथरीका प्रहरी नायव निरीक्षक राजकुमार बस्नेतले जानकारी दिए ।

राति १ बजेतिर बिद्युत सर्ट भएर आगलागी भएको हुन सक्ने प्रहरीको अनुमान छ । २ बजेतिर आगो लागेको बारे स्थानीयवासीले प्रहरीलाई खबर गरेका थिए । ‘आगलागी भएको घर काठको भएको र घरमा डिजेल पेट्रोल तथा मट्टितेल बेच्ने गरिएको कारण आगो निभाउन समस्या भएको थियो ।

“