मकालु खबर
ताजा, शुलभ, निष्पक्ष

राष्ट्रपति ट्रम्प लामो बिदामा बस्ने निर्णयपछि अमेरिकामा हंगामा

काठमाडौं, साउन २१ । पुर्व अमेरिकी राष्ट्रपति बराक ओबामाले आठ दिन बिदा लिंदा तीब्र आलोचना गरेका राष्ट्रपति डोनल्ड ट्रम्पले १७ दिन लामो बिदामा बस्ने निर्णय लिएपछि हंगामा मच्चिएको छ ।

ह्वाइट हाउसले कामकाजी बिदा अन्तर्गत राष्ट्रपति ट्रम्पले अगष्ट महिनामा १७ दिन न्यू जर्सी बेडमिन्स्टरस्थित उनको निजी गल्फ क्लबमा बिताउने बीबीसीले उल्लेख गरेको छ ।

काम गर्दा कहिल्यै नथाक्ने बताउँदै आएका राष्ट्रपति ट्रम्पले पहिलो वर्षमै ओबामाले लिएभन्दा करिव दुई गुणा बढी बिदा लिएको भन्दै आलोचकहरुले सामाजिक सन्जालहरुमा ट्रम्पप्रति तीब्र आलोचना गर्दै व्यंग्य गरिरहेका छन् ।

उनले चुनावी अभियानका क्रममा ओबामाप्रति व्यंग्य गर्दै भनेका थिए, “म तपाईँहरुसँगै काम गर्नेछु, मसँग गल्फ खेल्नका लागि समय हुनेछैन ।’

is-deciderHtmlWhitespace"" cite=""https://twitter.com/realDonaldTrump/status/103158206498476032"" data-tweet-id=""103158206498476032"" data-scribe=""section:subject"">

@BarackObama played golf yesterday. Now he heads to a 10 day vacation in Martha’s Vineyard. Nice work ethic.

ओबामासँग तुलना गर्ने हो भने यसअघि ट्रम्प ११ दिन बिदामा बसिसकेका छन् ।

सन् २००४ मा प्रकाशित एउटा पुस्तक ’थिङ्क लाइक अ बिलियनिअर’ मा उनले सुझाव दिदैँ लेखेका थिए, ‘लामो बिदामा नबस्नुस, त्यस्को अर्थ के नै छ र ? यदि तपाईं आफ्नो काममा रमाइरहनुभएको छैन् भने तपाईं गलत काममा हुनुहुन्छ ।’

is-deciderHtmlWhitespace"" cite=""https://twitter.com/realDonaldTrump/status/270609412480192513"" data-tweet-id=""270609412480192513"" data-scribe=""section:subject"">

“”Don’t take vacations. What’s the point? If you’re not enjoying your work, you’re in the wrong job.”” — Think Like A Billionaire

त्यसैगरी, सन् २००८ मा छापिएको पुस्तक ’द अडासिटि अफ होप’मा उनले लामो बिदा लिनु नहुने भन्ने धारणा राखेपछि ओबामालाई ’पाखण्डी’ भन्दै आलोचनासमेत गरेका थिए ।

लामो बिदाको विरोध गर्दै आएका राष्ट्रपति ट्रम्पले आँफै ‘दुधको साक्षी बिरालो’ झैँ भएका छन् ।

अमेरिकी अखबार ‘न्युजविक’ले मूख्य पृष्ठमा राष्ट्रपति ट्रम्प आरामले सोफामा बसिरहेको एउटा व्यंग्य तस्वीर छाप्दै उनलाई ‘अल्छी केटाको’ संज्ञा दिँदै लेखेको छ, ‘अनुमान लगाउनुहोस त उनलाई केही नगरी बस्दा कति गाह्रो महसुस हुन्छ होला ।’

तर, ह्वाइट हाउसमा जारी मर्मतको सम्भारको कामसँग राष्ट्रपति ट्रम्पको निर्णयलाई जोडेर हेरिएको छ ।

राष्ट्रपति भवनको वेस्ट विंग क्षेत्रमा बस्ने सबै कर्मचारीहरुलाई भवन मर्मतको सम्भारको लागि बिदा दिइएको ह्वाइट हाउसकी प्रवक्ता लिन्डसे वाल्टर्सले बताएकी छन् ।

त्यस्तै, कार्यकारी भवनका रंगरोगन, कार्पेट र पर्दा फेर्ने जस्ता कार्यहरु हुन लागेको बताइएकोे छ ।

आगामी अगष्ट २० तारिखसम्म बिदा भ्रमणको क्रममा स्थानीय विमानस्थल बन्द गरिने, ११० ओटा विमानको उडान अवरुद्ध हुने र ६० ओटा विमान उडानका कक्षाहरु प्रभावित हुने जनाइएको छ ।

साथै, अमेरिकी गुप्तचर निकायले सुरक्षाका लागि मानवरहित विमान ’ड्रोन’ को प्रयोग गर्ने आवश्यक परे राष्ट्रपतिको सवारी हुँदा पुरै बाटो खाली गराउन सकिने पनि जनाइएको छ ।

प्रतिकृयाहरु
Loading...