चितवन–३ मा एमालेको उम्मेदवारी फिर्ता, कांग्रेसका बागीलाई सघाउने

चितवन । चितवन क्षेत्र नं. ३ मा नेकपा एमालेले आफ्नो उम्मेदवारी फिर्ता लिएको छ । एमालेले अध्यक्ष केपी शर्मा ओलीको हस्ताक्षरसहितको पत्र पठाएर रामप्रसाद न्यौपानेको उम्मेदवारी फिर्ता लिएको हो ।

अब एमालेले सत्तारुढ गठबन्धनका नेपाली कांग्रेसबाट बागी बनेर उम्मेदवारी दिएका दिनेश कोइरालालाई समर्थन गर्ने भएको छ ।

निर्वाचन अधिकृतको कार्यालयले भने उक्त उम्मेदवारी फिर्ताको निर्णय गर्न बाँकी छ ।

स्वतन्त्र उम्मेदवारी दिएका कोइरालाले मंगलबार बालकोट नै पुगेर एमाले अध्यक्षलाई भेटेपछि यस्तो फेरबदल आएको बुझिएको छ ।

तर, एमालेबाट उम्मेदवार बनेका न्यौपाने पनि यो निर्णयबाट असन्तुष्ट रहेको बताइएको छ ।

सत्ता गठबन्धनले भने नेकपा माओवादी केन्द्रका भोजराज अधिकारीलाई चितनव ३ बाट उठाएको छ ।