सरकारले सबै आधारभुत अस्पतालको निर्माण कार्य सम्पन्न गर्नुपर्दछः देवकोटा
मकालु खबर
काठमाडौं । प्रतिपक्ष दल नेकपा (एमाले) राष्ट्रिय सभाकी सांसद सम्झना देवकोटाले निर्माणाधीन आधारभूत स्वास्थ्य अस्पतालको निर्माण कार्य आगामी आर्थिक वर्षभित्र सम्पन्न हुने गरी बजेटको व्यवस्था गर्न सरकारसँग माग गरेकी छन् ।
बिहीबार राष्ट्रिय सभा बैठकमा स्वास्थ्य तथा खाद्य स्वच्छता मन्त्रालयको खर्च कटौतीको प्रस्ताव प्रस्तुत गर्दै उनले उक्त माग गरेकी हुन् ।
आमा सुरक्षा, ज्येष्ठ नागरिक सुरक्षा, गर्भवती, नवजात शिशु सुरक्षा जस्ता सेवाहरू दिनका लागि पनि सरकारले उक्त अस्पतालहरूको निर्माण कार्य छिटो सम्पन्न गर्नुपर्ने सांसद देवकोटाको भनाइ थियो ।
उनले सरकारले स्वास्थ्य सेवामा सबै नागरिकको पहुँच अभिवृद्धि गर्न पनि त्यस क्षेत्रमा थप बजेटको व्यवस्था गर्न आवश्यक रहेको बताइन् ।
सांसद देवकोटाले स्वास्थ्य संस्थाहरूको पूर्वाधार निर्माणमा पनि सरकारले विशेष ध्यान दिनुपर्ने बताइन् ।
मकालु खबर
