काठमाडौंमा काँग्रेस संस्थापन पक्षधर नेताहरूको भेला

काठमाडौं । नेपाली काँग्रेसको संस्थापन पक्षधर नेताहरू छुट्टै भेला भएका छन् ।

सोमवार मध्यान्ह काठमाडौंस्थित एक होटलमा संस्थापन पक्षधर नेताहरू भेला भएका हुन् । भेलामा कार्यसम्पादन समितिमा नरहेका केन्द्रीय सदस्यहरू छन् ।

अहिले ५४ प्रतिशत १४ औं महाधिवेशन सदस्यहरूले नियमित महाधिवेशनको माग गर्दै हस्ताक्षर बुझाएका छन् । त्यस्तै संस्थापन पक्षधर नेताहरू भने वैशाखतिर मात्रै महाधिवेशन गर्नुपर्ने र अहिले निर्वाचनमा लाग्नुपर्ने बताउँदै आएका छन् ।

तर हस्ताक्षर कर्ताहरूले नियमित महाधिवेशन हुन नसके विशेष महाधिवेशन गर्नुपर्ने माग राख्दै आएका छन् । बैठकमा वीरबहादुर बलायर, नगिना यादव, सीता गुरुङ लगायतका नेताहरू रहेका छन् ।