राजनीतिक स्वार्थभन्दा राष्ट्रिय हितलाई प्राथमिकता दिउँ : नेता खरेल
मकालु खबर २०८२ साउन २३ गते
काठमाडौं । नेकपा (एमाले)का नेता अग्नि खरेलले मुलुकका साझा स्वार्थका मुद्दामा राजनीतिक स्वार्थभन्दा राष्ट्रिय हितलाई प्राथमिकता दिनुपर्ने बताएका छन् ।
शुक्रवार काठमाडौंमा राष्ट्रिय स्वतन्त्र पार्टीले आयोजना गरेको नीति संवाद कार्यक्रममा बोल्दै उनले यस्तो बताएका हुन् ।
खरेलले देशलाई एकतावद्ध बनाएर साझा स्वार्थलाई अघि बढाउनसके धेरै चुनौती समाधान गर्न सकिने धारणा राखे ।
उनले नेपालले जल विद्युत उत्पादनमा फड्को मारिरहेको पनि बताए । उनले विद्युत् ऐन, २०४९ आइसकेपछि नेपालमा ३ हजार ४ सय मेगावाट विद्युत् थपिएको उल्लेख गरे ।
विद्युत उत्पादनको क्षेत्रमा सरकारभन्दा बढी निजी क्षेत्रको सहयोग रहेको पनि उनले बताए ।
नेता खरेलले विदेशी बजारको विश्लेषणका आधारमा उर्जा तथा जलस्रोत नीति बनाउनेतर्फ जोड दिए ।
मकालु खबर २०८२ साउन २३ गते
प्रतिक्रिया
सम्बन्धित
