अखेटोपहारसहित दुई पक्राउ
मकालु खबर २०८२ जेठ ५ गते
चितवन । गैँडाको खाग जस्तो देखिने अखेटोपहारसहित दुई जना पक्राउ परेका छन् । चितवन राष्ट्रिय निकुञ्जले उनीहरूलाई आइतबार पक्राउ गरेको हो ।
निकुञ्जका सूचना अधिकारी अविनाश थापा मगरका अनुसार भरतपुर महानगरपालिका–९ बिसहजारी सडक क्षेत्रबाट उनीहरूलाई पक्राउ गरिएको हो ।
पक्राउ पर्ने दुवै जना पुरुष रहेको उनले बताए । उनीहरूलाई निकुञ्जका कर्मचारी र नेपाली सेनाको नयाँ गोरख गणको टोलीले पक्राउ गरेको हो ।
पक्राउ परेकाहरूमाथि अनुसन्धान सुरु गरिएको उनले जानकारी दिए । अनुसन्धानमा रहेका उनीहरूको नाम गोप्य राखिएको छ ।
मकालु खबर २०८२ जेठ ५ गते
प्रतिक्रिया
सम्बन्धित
