सांसद सुमना श्रेष्ठले दादागिरी देखाउनु भयो : सभामुख
मकालु खबर २०८१ फागुन ६ गते
काठमाडौं । सभामुख देवराज घिमिरेले राष्ट्रिय स्वतन्त्र पार्टी (रास्वपा) की सांसद सुमना श्रेष्ठले दादागिरी देखाएको आरोप लगाएका छन् ।
सभामुख घिमिरेले सांसद श्रेष्ठले आफ्नो कार्यकक्षको टेबल ठटाएर समय माग गरेको बताए ।
उनले संसद्को बैठक बस्न जनाउ घण्टी बजिसकेको अवस्थामा सांसद श्रेष्ठले दादागिरी शैलीमा समय मागेको बताए ।
‘उहाँले घण्टी बजेपछि आएर परिवेश के हो भन्ने नबुझी दादागिरी देखाएर टेबल ठोकेर मलाई समय चाहियो भन्नुभयो,’ सभामुख घिमिरेले भने ।
सोमबारको प्रतिनिधि सभाको बैठकमा बोल्नका लागि समय नपाएपछि उनले बैठक बहिस्कार गरेकी थिइन् ।
उनले आकस्मिक समयमा बोल्नका लागि समय मागेकी थिइन् । तर सभामुख घिमिरेले समय दिएका थिएनन् ।
मकालु खबर २०८१ फागुन ६ गते
प्रतिक्रिया
सम्बन्धित
