आलोकनगरमा समाजवादी मोर्चाको बैठक शुरु

काठमाडौं । समाजवादी मोर्चाको बैठक शुरु भएको छ ।

मंगलवार नेकपा (एकीकृत समाजवादी) को केन्द्रिय कार्यालय आलोकनगरमा बैठक बसेको हो । बैठकमा नेकपा (माओवादी केन्द्र) का अध्यक्ष एवं पूर्वप्रधानमन्त्री पुष्पकमल दाहाल, महासचिव देव गुरुङ लगायतका नेताहरुको उपस्थिति रहेको छ ।

त्यस्तै नेकपा (एकीकृत समाजवादी) का अध्यक्ष माधवकुमार नेपाल, महासचिव घनश्याम भुषाल, नेपाल कम्युनिष्ट पार्टीका महासचिव नेत्रविक्रम चन्द, नेपाल समाजवादी पार्टीका अध्यक्ष महिन्द्र राय यादवलगायतका नेताहरुको उपस्थिति रहेको छ ।

बैठकमा पछिल्ला राजनीतिक घटनाक्रमका बारेमा छलफल हुनेछ । साथै समाजवादी मोर्चाको आगामी रणनीति र योजना तय गरिने पनि बताइएको छ ।