बागमती किनारका बस्तीमा बाढी पसेपछि ओलीमाथि खनिए बालेन

काठमाडौं महानगरपालिकाका मेयर बालेन साहले नेकपा एमाले अध्यक्ष केपी शर्मा ओलीलाई गिरीबन्धु र सुकुम्बासी बस्तीसँग जोडेर स्टाटस लेखेका छन्।

बागमती किनारका बस्ती हटाउन खोज्दा एमालेले राजनीति गरेर रोकेको गुनासो उनको छ। बालेनले पटक पटक ती बस्ती हटाउन प्रयास गरेका थिए। तर आन्दोलन चर्किएपछि बस्ती हटाउन सकिएको थिएन।

एमालेले त्यसमा असहयोग गरेको गुनासो बालेनको छ। उनले यही बस्तीमा असहयोग गरेपछि झापाको गिरीबन्धु टि स्टेटको जग्गा बारे ओ्लील्याई जोडेर लेखेका छन्।

आज बागमती किनारका बस्तीमा बाढी बसेर बचल्ली बनाएको छ।

 बालेन लेख्छन्

माननीय केपी ओलीज्यू,

आज काठमाडौँमा केहि घण्टा पानी पर्दा खोला छेउ बस्ने धेरै डुबानमा परे । खोला बस्तीमा पसेको हैन, खोलाले आफ्नो बाटो खोजेको हो । आज एकदिन पानी पर्दा त यस्तो हालत छ, केही दिन लगातार पानी पर्दा के हालत हुने हो १

अनि ठुलो दुर्घटना कुन दिन आउँछ भनेर कुर्दै बस्ने हो र हामी रु उहाँहरूको जीवनसँग खेलवाड गरेर भोटको राजनीति यसरी नै सँधै गरिरहने हो  ?

उहाँहरूलाई उचित ठाउँमा लगेर व्यवस्थापन गर्नेतर्फ सोच्ने कि उहाँहरूलाई जसरी ३० बर्ष झुलाइसक्नु भयो, अझै अर्को ३० बर्ष पनि झुलाउने सोच बनाउनु भएको छ ? 

काठमाडौँमा लगभग २००० परिवार खोला छेउमा बस्ने गरेका छन् । तपाईले पचाउँन खोज्नु भएको गिरिबन्धुुमा यस्ता १५००० परिवार व्यवस्थापन हुन सक्छ । अब त प्रधानमन्त्री नि बन्दै हुनुहुन्छ रे, त्यो पनि दुई तिहाई बहुमतसहित । अब यो समस्याको समाधान गर्नु हुनेछ भन्ने आशा लिएको छु।