दुर्गा प्रसाईँ आफ्नै घरमा नजरबन्द, समर्थक बसेको ‘प्यालेस’ वरपर प्रहरी निगरानी

काठमाडौँ । प्रहरी-प्रशासनले मेडिकल व्यवसायी दुर्गा प्रसाईंलाई आफ्नै घरमा नजरबन्दमा राख्ने रणनीति बनाएको छ । ‘राष्ट्र बचाउ महाअभियान’का अभियन्ता प्रसाईँलाई प्रहरीले आफ्नै घरमा नजरबन्दमा राख्ने रणनीति बनाएको हो ।

प्रसाईँको भक्तपुर थिमीस्थित निवासमा प्रहरी तैनाथ गरिएको छ । नेपाल प्रहरीको विशेष कार्यदल (एसटीएफ) को टोलीले अहिले दुर्गा प्रसाईँको घरलाई वरपरबाट घेरेको छ । उनलाई त्यहाँबाट निस्कन नदिने प्रहरीको तयारी छ ।

बिहीबारको कार्यक्रममा लागि आएका समर्थकहरू बसेको होटल तथा प्यालेसमा पनि प्रहरी निगरानी बढाइएको छ । उनीहरु कार्यक्रममा लागि आउने भनिएपछि प्रहरीले निगरानी बढाएको हो । अभियानले आज काठमाडौँको तीनकुनेमा कार्यक्रम गर्ने घोषणा गरेको छ । तर जिल्ला प्रशासन कार्यालय काठमाडौँले सो क्षेत्रमा कार्यक्रम गर्न निषेध गरेको छ ।

• सम्बन्धित समाचार
  दुर्गा प्रसाईँको अभियानका पाँच समर्थक पक्राउ (नामसहित)
  प्रशासनले रोकेपछि दुर्गाको आक्रोश- घरघरबाट विद्रोह गर्नुस्
  तीनकुनेमा बाक्लो संख्यामा सुरक्षाकर्मी परिचालन
  दुर्गा प्रसाईँलाई तीनकुनेमा कार्यक्रम गर्न प्रशासन दिएन अनुमति
  व्यवस्था परिवर्तन नहुञ्जेल आन्दोलन जारी राख्ने दुर्गा प्रसाईंको घोषणा