लाओसविरुद्ध नेपालले फर्कायो गोल,अन्जनले बनाए कीर्तिमान

काठमाडौं । विश्वकप छनोटमा नेपालले लाओसविरुद्ध बराबरी गोल फर्काएको छ ।

४९ औं मिनेटमा अन्जन विष्टले बराबरी गोल फर्काए । एरिक विष्टको कर्नरमा विष्टले हेडर गोल गरेका हुन् ।

नेपाल र लाओसबीचको दोस्रो लेगको खेल १७ अक्टोबरमा लाओसको मैदानमा हुनेछ ।

यससँगै उनी नेपालका सर्वाधिक गोलकर्ताको कीर्तिमानमा बराबरी गर्न सफल भए ।

नेपालको लागि सिनियर अन्तर्राष्ट्रिय फुटबलमा सर्वाधिक गोलको राष्ट्रिय कीर्तिमानमा निराजन रायमाझी र हरि खड्काले १३–१३ गोल गरेका छन् ।

अञ्जनले सन् २०१४ देखि सिनियर अन्तर्राष्ट्रिय फुटबल खेलिरहेका छन् । हरिको कीर्तिमानलाई निराजनले सन् २००८ मा बराबरी गरेका थिए । भने निराजनको कीर्तिमानमा आज विष्टले बराबरी गरेका छन् ।