गभर्नर महाप्रसादविरुद्ध अखिल क्रान्तिकारीकाे प्रदर्शन (तस्वीरसहित)
२०७९ असार ३० गते
काठमाडौँ । सत्ताधारी दल माओवादी केन्द्रनिकट विद्यार्थी संगठन अखिल क्रान्तिकारीले गभर्नर महाप्रसाद अधिकारीविरुद्ध प्रदर्शन गरेको छ ।
क्रान्तिकारीको क्याम्पस जिल्ला समितिले आज काठमाडौँको प्रदर्शनीमार्गमा गभर्नर अधिकारीविरुद्ध प्रदर्शन गरेको हो ।
एमालेको अर्थ तथा योजना विभागमा सदस्य रहेका खोटाङका एम अधिकारी भन्ने व्यक्ति गभर्नर महाप्रसाद अधिकारी नै रहेको भन्दै क्रान्तिकारीले उनलाई पदबाट बर्खास्त गर्नुपर्ने माग गर्दै प्रदर्शन गरेको हो ।
प्रदर्शनका क्रममा विद्यार्थीहरूले अधिकारीको पुत्ला जलाउनुका साथै टायर समेत बालेका थिए । गभर्नर अधिकारीको राजीनामा नआउँदासम्म आन्दोलन जारी रहने संगठनले जनाएको छ ।
यसअघि संसद्मा माओवादीले गभर्नर अधिकारीको राजीनामा माग गरेको थियो ।
तस्वीरः
२०७९ असार ३० गते
प्रतिक्रिया
सम्बन्धित
