एमसीसी पास वा फेल जे भएपनि सदनले टुंगाे लगाउँछ : प्रधान मन्त्री देउवा
मकालु खबर
काठमाडाैँ । प्रधान मन्त्री शेर बहादुर देउवाले एमसीसी राष्ट्रको हितमा भएकाले यसलाई सदनले टुङ्गो लगाउने बताएका छन् ।
बिहीबार बालुवाटारमा कांग्रेस नेता अर्जुननरसिंह केसीद्वारा लिखित ‘नेपाली कांग्रेसको संक्षिप्त इतिहास’ पुस्तकको विमोचन गर्दै प्रधान मन्त्री देउवाले एमसीसीका बारेमा पास फेल जे भएपनि जनताका प्रतिनिधिहरूको थलो सदनले नै टुङ्गो लगाउने बताएका हुन् ।
उनले एमसीसीबारे पर्याप्त अध्ययन नै नगरी आलोचना गरिएको गुनासो गरे । अहिले राष्ट्रको पक्षमा बोल्ने बेला आएको भन्दै कांग्रेस सभापति समेत रहेका देउवाले मुलुकको हित विपरीत कांग्रेसले कुनै काम नगर्ने जिकिर गरे । उनले पक्षमा उभिन डराउनुपर्ने कुनै कारण आफूले नदेखेको बताए ।
कार्यक्रममा कांग्रेसका महामन्त्री गगन थापाले राष्ट्रिय हितका विषयमा अरूको कुरा नसुनी सरकारले उचित कदम चाल्नुपर्ने बताए । उनले बालुवाटारमा एउटा खुमलटारमा अर्को कुरा गर्न कांग्रेसले नमिल्ने धारणा राखे ।
त्यस्तै, पुस्तकका लेखक एवं कांग्रेस नेता अर्जुन नरसिंह केसीले छिमेकी मुलुकसँगको सम्बन्ध सन्तुलित पार्ने क्षमता कांग्रेससँग मात्र रहेको बताए ।
केसीद्वारा लिखित पुस्तकमा सिद्धान्त तथा नीतिको परिचय सहितको कांग्रेसको इतिहासका बारेमा व्याख्या गरिएको छ ।
भिडिओ
मकालु खबर
