ढुङ्गा, गिट्टी र बालुवा उत्खनन गरेको अभियोगमा ६ जना पक्राउ
मकालु खबर
२०७८ असार ९ गते
काठमाडौं । अवैध ढुङ्गा, गिट्टी र बालुवा उत्खनन गरेको अभियोगमा ६ जनालाई प्रहरीले प्रकाउ गरेको छ ।
पोखरा महानगरपालिका-२५ हेम्जास्थित सेती नदी सहस्र घाटमा अवैध ढुङ्गा, गिट्टी र बालुवा उत्खनन गरेको अभियोगमा पोखरा महानगरपालिका-१ सिम्पानी बस्ने ३९ वर्षीय सानुभाई मगर लगायत ६ जनालाई प्रहरीले पक्राउ गरेको जनाएको छ ।
उक्त नदीमा उत्खनन गरिरहेको भन्ने सूचना प्राप्त हुनासाथ अस्थायी प्रहरी पोष्ट हेम्जाबाट खटिएको प्रहरीले उनीहरूलाई ढुङ्गा, गिट्टी र बालुवा भरिएको ६ वटा टिपर सहित पक्राउ गरेको प्रहरीले जनाएको छ ।
यस सम्बन्धमा प्रहरीले आवश्यक अनुसन्धान भइरहेको छ ।
मकालु खबर
२०७८ असार ९ गते
प्रतिक्रिया
सम्बन्धित