१५३ सांसदको समर्थन रहेकाे दाबीसहित ओलीद्वारा प्रधानमन्त्रीमा दाबी
मकालु खबर
काठमाडौं । केपी शर्मा ओलीले पनि प्रधानमन्त्रीमा दाबी गरेका छन् । नेता विष्णु रिमालकाअनुसार ओलीले एमालेका १२१ र जसपाका ३२ गरी १५३ जना सांसदको समर्थन आफूलाई रहेको पत्रसहित प्रधानमन्त्रीमा दाबी गरेका हुन् ।
नेकपा (एमाले)का १२१ र जसपाका ३२ गरी १५३ जना सांसदको समर्थन आफूलाई रहेको पत्रसहित प्रधानमन्त्री केपी शर्मा ओलीले संविधानको धारा ७६(५) वमोजिम प्रधानमन्त्री पदको लागि दावी गर्नु भएको छ।
— Bishnu Rimal (@BishnuRimal) May 21, 2021
रिमालकाअनुसार दाबी पत्रमा जसपाको तर्फबाट अध्यक्ष महन्थ ठाकुर तथा संसदीय दलका नेता राजेन्द्र महतो र एमालेका अध्यक्ष एवम् दलका नेता ओलीको हस्ताक्षर रहेको छ ।
यता प्रधानमन्त्रीको दाबी गर्दै विपक्षी गठबन्धनका तर्फबाट कांग्रेस सभापति शेरबहादुर देउवा पनि १ सय ४९ सांसदको हस्ताक्षरसहित शीलत निवास पुगेका छन् ।
यद्यपि यता जसपा सांसदहरुले भने आफूहरुले ओलीलाई प्रधानमन्त्री बनाउने भनेर समर्थन नगर्ने र हस्ताक्षर पनि नगरेको बताएका छन् । जसपा सांसद रेनुकुमारी यादवले भनिन्— ‘हामीले ओलीको समर्थनमा हस्ताक्षर गरेका छैनौँ ।’
मकालु खबर
