बाबुराम भन्छन्- ‘अब नयाँ रणनीति चाहियो’

काठमाडौँ । जनता समाजवादी पार्टी संघीय परिषद्का अध्यक्ष डा. बाबुराम भट्टराईले प्रधानमन्त्री केपी शर्मा ओलीलाई पुनः भष्मासुरसँग तुलना गरेका छन् । पूर्व प्रधानमन्त्रीसमेत रहेका डा. भट्टराईले सामाजिक सञ्जालमार्फत तुलना गरेका हुन् ।

मिथकहरूबाट प्रेरणा लिने तर हुबहु दोहोर्याउन नहुने उनको तर्क छ । ओलीलाई भष्मासुरको उपमा दिँदै उनी उही धार्मिक कथाको भष्मासुर जस्तै भएको बताए । अहिलेको भष्मासुरलाई धार्मिक कालमा जस्तै अन्त्य गर्न सम्भव नभएकाले नयाँ तरिका खोज्नुपर्ने डा. भट्टराईको टिप्पणी छ ।

धार्मिक कथामा भष्मासुरलाई वरदान दिनेले वरदान फिर्ता लिनुको सट्टा अर्कैले छल गरेर बध गरेको भन्दै उनले अहिले ओली सरकारका लागि त्यही दोहोर्याउन खोज्दा उनी झन् शक्तिशाली हुँदै भएको बताए ।

मिथकहरूबाट प्रेरणा लिने हो हुबहु उही दोहोर्याउने हैन!भष्मासुरलाई जसले वरदान दिएको हो उसले (शिवले)वरदान फिर्ता लिनुसट्टा अर्काले (बिष्णुले)छल गरेर वध गरेकाथिए भन्दैमा अहिले कलीयुगमा पनि त्यही दोहोर्याउन खोज्दा उल्टै भष्मासुरले छल गरेर सबैलाई त्राहिमाम पार्ने भो!नयॅा रणनीति चाहियो!

— Baburam Bhattarai (@brb1954) March 22, 2021