सभामुखको उम्मेदवारी प्रक्रियामा कांग्रेसले भाग नलिने

माघ ७, काठमाडौं । प्रमुख प्रतिपक्ष दल नेपाली कांग्रेसले सभामुखमा निर्वाचन प्रक्रियामा भाग नलिने जनाएको छ । कांग्रेस संसदीय दलको मंगलबार बिहान बसेको बैठकले सभामुख प्रक्रियामा भाग नलिने निर्णय गरेको हो ।   

संसदमा प्रष्ट बहुमत भएको नेपाल कम्युनिस्ट पार्टी (नेकपा) ले आफ्नो उम्मेदवार प्रस्तुत गरिसकेको र सभामुख पद आफैंमा तटस्थ रहनुपर्ने भएकाले उम्मेदवारी नदिने निर्णय गरिएको कांग्रेले जनाएको छ ।   

नेकपाले अग्नि सापकोटालाई उम्मेदवार बनाउने निर्णय गरेको छ । सभामुखमा उम्मेदवारी दर्ताका लागि विहान ११ देखि २ बजेसम्मको समय तोकिएको छ ।