लागु औषधसहित एक जना पक्राउ

भदौ ८, चितवन । चितवनको रत्ननगर–१३ बाट लागु औषधसहित एक जनालाई प्रहरीले आईतबार पक्राउ गरेको छ ।   

गोप्य सुचनाको आधारमा इलाका प्रहरी कार्यालय टाँडीबाट प्रहरी निरीक्षक शेखर कुमार साहको कमाण्डमा खटिएको टोलीले लागू औषधसहित २६ वर्षिय प्रकाश सुवेदीलाई पक्राउ गरेको हो ।  

सुवेदीको घरबाट गाँजा ५१० ग्राम, काटेर राखेको अवस्थामा २६ वटा गाँजाको बोट, स्टेगन ५१० ट्यावलेट, ट्रेमवेल ६२० ट्यावलेट, भि ट्रेमा पचास  १० ट्यावलेट, सानो कैंची १ थान  र नगद १२ हजार ६२० रुपैयाँ  बरामद गरिएको जिल्ला प्रहरी कार्यालय चितवनले जनाएको छ ।   

पक्राउ परेका सुबेदीलाई नियन्त्रणमा लिई थप अनुसन्धान भइरहेको छ ।