रेशम चौधरीको मुद्दा पेशी चढ्यो, पाउलान् त संसद भवन छिर्न ?
पुस २३, काठमाडौँ । सांसद रेशम चौधरीको मुद्दा सर्वोच्च अदालतमा पेशी चढेको छ ।
कैलाली क्षेत्र नम्बर १ बाट निर्वाचित प्रतिनिधिसभा सदस्यका रुपमा गत बिहीबार सपथ लिएका रेशम चौधरीको मुद्दाको सर्वोच्च अदालतमा पेशी चढेको हो ।
null
कैलालीको टीकापुरमा भएको आन्दोलनका क्रममा २०७२ भदौ ७ गते एक बालकसहित सात प्रहरीको हत्या भएको थियो। सोही घटनाको मुद्दामा रेशम चौधरी जेल सजाय भोगिरहेका छन् ।
कर्तव्य ज्यान मुद्दामा जिल्लाको आदेशविरुद्ध चौधरी गत असारमा सर्वोच्च पुगेका थिए। न्यायधीश इश्वरप्रसाद खतिवडा र पुरुषोत्तम भण्डारीले सांसद चौधरीको पेसीको सुनुवाइ गरिरहेका छन्।
अदालतको सुनुवाइबाट सांसद चौधरीलाई साधारण वा धरौटी तारिकमा रिहा गर्न आदेश दिएको खण्डमा उनी संसद छिर्न पाउने छन् ।
घटनाका मुख्य आरोपी सांसद चौधरी गत वर्षको फागुन १४ गते जिल्ला अदालत कैलालीमा आत्मसमर्पण गरेका थिए।लगतै उनलाई अदालतले पुर्पक्षका लागि थुनामा राख्न आदेश दिएको थियो ।