ओखलढुंगामा ट्याक्टर दुर्घटना ८ घाइते, ३ काे अवस्था गम्भीर

“

मङ्सिर ६, ओखलढुंगा । जिल्लाको मनेभन्ञ्ज्याङ गाउँपालिमा ट्याक्टर दुर्घटना हुदाँ ८ जना घाइते भएका छन् । भने, तिन जनाको अवस्था गम्भीर रहेकाे छ । बाम गठबन्धनको चुनावी सभाका लागी कार्यकर्ता लिएर हिडेकाे ना ५ त ३८२० नम्बरको ट्याक्टर मनेभञ्ज्याङ गाउँपालिका ५ बलेथानमा दुर्घनामा परेको हो ।

दुर्घटनामा परि मनेभञ्ज्याङ गाउँपालिका ३ उबुका तुलाराज राई, दिनेश अधिकारी र हिमाल राई गम्भीर घाइते भएको ओखलढुंगाका प्रहरी प्रमुख डिएसपी अर्जुन तिमिल्सिनाले बताए । उनीहरूलाई ईश्वर पोखरेल सवार हेलिकप्टरमा काठमाडौँ लगिएको छ । अन्य घाईतेहरुको जिल्ला स्थित सामुदायिक अस्पताल मिसनमा उपचार भइरहेको प्रहरीले जनाएको छ ।

ट्याक्टरमा १२ जना भन्दा बढी बाम गठबन्धनका कार्यकर्ता सवार थिए । सोही क्रममा ट्याक्टर अनियन्त्रित भई पछाडिको भाग खुस्किएर दुर्घटना भएको प्रहरी प्रमुख तिमिल्सिनाले जानकारी दिए । घटनाको विषयमा थप अनुसन्धान भइरहेको प्रहरीले जनाएकाे छ ।

“