जेनजीलाई बालेनको प्रस्ताव- ‘एक ठाउँ आउनुहोस्, एकता त्यहाँबाट सुरु हुन्छ’
मकालु खबर २०८२ पुस १० गते
काठमाडौँ । काठमाडौँ महानगरपालिकाका मेयर बालेन शाहले जेनजी प्रतिनिधिहरूलाई मिलेर अघि बढ्न प्रस्ताव गरेका छन् ।
आज ललितपुरको कुपण्डोलस्थित आफ्ना सहयोगी कुमार बनेको घरमा जेनजी प्रतिनिधिहरूसँग सामूहिक छलफल गर्दै उनले यस्तो प्रस्ताव गरेका हुन् ।
उनले जेनजी प्रतिनिधिहरूलाई एक ठाउँ आउन र एकता गर्न आग्रह गरेको जेनजी अभियन्ता योगेन्द्र भण्डारीले मकालुखबरलाई जानकारी दिए ।
बालेनको भनाइ उल्लेख गर्दै भण्डारीले भने ‘तपाईँहरू एक ठाउँ आउनुहोस्, एकता त्यहाँबाट सुरु हुन्छ।’
बालेनसँगको उक्त छलफलमा सुदन गुरुङ, रक्षा बम, पुरुषोत्तम यादव लगायतका जेनजी प्रतिनिधिहरूको उपस्थिति रहेको थियो ।
मकालु खबर २०८२ पुस १० गते
प्रतिक्रिया
सम्बन्धित
