सुनको मूल्य घट्यो, कतिमा हुँदैछ कारोबार ?

काठमाडौँ । सोमबार सुनको मूल्य प्रतितोला ४ सय रुपैयाँ घटेको छ । आज छापावाल सुनको मूल्य तोलामा ९१ हजार ८०० रुपैयाँ कायम भएको नेपाल सुनचाँदी व्यवसायी महासंघले जनाएको छ ।

आइतबार छापावाल सुन प्रतितोला ९२ हजार २०० रुपैयाँमा कारोबार भएको थियो । यस्तै आज तेजाबी सुनको भाउ तोलाको ९१ हजार ३०० रुपैयाँ कायम भएको छ ।

आज चाँदीको मूल्य समेत घटेको छ । आइतबार १२५० रुपैयाँमा  कारोबार भएको चाँदीको मूल्य आज १० रुपैयाँले घटेको छ । आज चाँदी प्रतितोला एक हजार २४० रुपैयाँमा  कारोबार भइरहेको छ।