फेरि अर्को गैंडा मृत भेटियो
मकालु खबर २०७६ पुस २६ गते
पुस २६, चितवन । चितवन राष्ट्रिय निकुञ्जको घडगाई पोष्ट नजिकै एक पोथी गैंडा मृत भेटिएको छ । गैंडा ५/७ दिनदेखि नै मरेको हुनसक्ने अनुमान गरिएको छ ।
मृत भेटिएको अन्दाजी २० बर्षको गैंडालाई एक्जाभेटर लगाएर बाहिर निकालिएको निकुञ्जका प्रमुख संरक्षण अधिकृत नारायण रुपाखेतीले जानकारी दिए । उनका अनुसार गैंडाको खाग र खुरहरु सुरक्षित छन् ।
भाले गैंडाले लेखेटर भाग्न खोज्दा गैंडा दलदलमा भासिएको हुनसक्ने सहायक संरक्षण अधिकृत रमेश यादवले बताए । जाडोयाम गैंडा प्रजननको समयका रुपमा लिइन्छ ।
निकुञ्जका प्रमुख संरक्षण अधिकृत रुपाखेतीका अनुसार चालु आर्थिक वर्षमा योसहित ७ वटा गैंडा मरेका छन् । गत बर्ष ४३ गैंडा मरेका थिए ।
मकालु खबर २०७६ पुस २६ गते
प्रतिक्रिया
सम्बन्धित
