सिंहदरबारको गेटमा बाइक तेर्स्याएर अनेरास्ववियुको विरोध

काठमाडौं । नेकपा (एमाले) निकट अनेरास्ववियुले सिंहदरबारको दक्षिण गेटमा बाइक तेर्स्याएर सांकेतिक विरोध प्रदर्शन गरेको छ ।

बुधबार बिहान अनेरास्ववियुका नेता तथा कार्यकर्ता बाइकसहित सिंहदरबारको दक्षिण गेट पुगेका थिए । उनीहरूले केहीबेर बाइक तेर्स्याएर प्लेकार्डसहित नाराबाजी गरेका थिए ।

अनेरास्ववियु अध्यक्ष दीपक धामीले सोमबार राज्य पक्षबाट सञ्चारगृह र प्रतिपक्षी दलका सभापतिको निवास अगाडि गाडी तेर्स्याइएको घटनाको विरोधस्वरूप सांकेतिक प्रदर्शन गरिएको बताए ।

प्रदर्शनका क्रममा उनीहरूले ‘गरिबको आवाज दबाउन पाइँदैन’, ‘राज्य आतंक बन्द गर’ लगायतका नारा लगाएका थिए ।