संयुक्त राष्ट्र सुरक्षा परिषद्को प्रतिनिधिमण्डलद्वारा सिरिया भ्रमण

एजेन्सी । डिसेम्बर २०२४ मा पूर्वराष्ट्रपति बसर अल–असदलाई पदच्युत गरेपछि सिरियाली अधिकारीहरूले सत्ता सम्हालेपछि सिरियाली अधिकारीहरूसँग उच्चस्तरीय संलग्न हुँदै संयुक्त राष्ट्र सुरक्षा परिषद्को प्रतिनिधिमण्डलले सिरियाको भ्रमण गरेको छ ।

सन् १९४५ मा सुरक्षा परिषद्को स्थापना पछि यो सिरियाको आफ्नो किसिमको पहिलो भ्रमण हो । सबै सुरक्षा परिषद् सदस्य राष्ट्रहरूको प्रतिनिधित्व गर्ने प्रतिनिधिमण्डलले राजधानी दमास्कसका धेरै स्थानहरूको भ्रमण गरेका छन् ।

सिरियाली नेता अहमद अल–शारा, विदेश मामिला प्रमुख असद अल–शिबानी र अन्य वरिष्ठ सरकारी अधिकारीहरूसँग भेटघाट गरेको छ । स्लोभेनियाका स्थायी संयुक्त राष्ट्र प्रतिनिधि र डिसेम्बरका लागि सुरक्षा परिषद्का अध्यक्ष शमूएल ज्बोगरले दमास्कसमा प्रतिनिधिमण्डलको उद्देश्य विश्वास निर्माण गर्नु रहेको बताए ।

ज्बोगरकाअनुसार प्रतिनिधिमण्डलले सिरियामा रहेका संयुक्त राष्ट्र प्रतिनिधिहरू र स्वेडा प्रान्तमा हालैका तटीय घटनाहरू र हिंसाबाट प्रभावित समुदायहरूसँग पनि भेटघाट गरेको छ ।