बालजुमा भेष्पा र अप्रिलियाको नयाँ सर्भिस सेन्टर सञ्चालनमा

काठमाडौं । भेष्पा र अप्रिलियाका लागि नेपालका आधिकारिक बिक्रेता डेल्टा अटोकर्प प्रालिले बालजु, ब्याली कोल्ड स्टोरको विपरीत, सानिमा बैंक नजिकै नयाँ भेष्पा र अप्रिलिया सर्भिस सेन्टर सञ्चालनमा ल्याएको छ । नयाँ सर्भिस सेन्टरले २०८० मंसिर १ गतेदेखि आधिकारिक रूपमा सेवा प्रदान गर्न थालेको छ । यसले ग्राहकहरूलाई बिक्रीपछिको सेवामा अझ सहज पहुँच सुनिश्चित गर्ने कम्पनीको प्रतिबद्धतालाई थप सुदृढ बनाएको छ ।

सर्भिस सेन्टरको उद्घाटन डेल्टा अटोकर्प प्रा. लि. का प्रमुख कार्यकारी अधिकृत तथा निर्देशक विजय कुमार महतोले गरेका छन् । यो काठमाडौँ उपत्यकाभरिका भेष्पा र अप्रिलिया प्रयोगकर्ताहरूसम्म सेवाको पहुँच र सहजता विस्तार गर्ने कम्पनीको निरन्तर लक्ष्यमा अर्को महत्त्वपूर्ण उपलब्धिको रूपमा लिइएको छ ।

आधुनिक उपकरण, उन्नत मेसिनरी र व्यावसायिक रूपमा प्रशिक्षित प्राविधिकहरूसहित सुसज्जित यो नयाँ बालजु सर्भिस सेन्टरले ग्राहकहरूलाई प्रिमियम सर्भिसिङ, मर्मत, डाइग्नोस्टिक सेवा तथा वास्तविक स्पेयर पार्ट्स उपलब्ध गराउँदै भरपर्दो र सहज अनुभव प्रदान गर्ने लक्ष्य राखेको छ ।

निर्देशक महतोले भने, ‘बालजुमा हाम्रो नयाँ सर्भिस सेन्टर सञ्चालनमा ल्याउन पाउँदा हामी अत्यन्तै खुसी र गर्व महसुस गरिरहेका छौँ । यो विस्तारले भेष्पा र अप्रिलियाप्रति हाम्रो अटल प्रतिबद्धतालाई मात्र प्रमाणित गर्दैन, यसले हाम्रा सम्मानित ग्राहकहरूलाई अझ नजिकबाट उच्चस्तरीय सेवा र भरपर्दो सपोर्ट उपलब्ध गराउने हाम्रो प्रयासलाई पनि थप मजबुत बनाएको छ ।’

डेल्टा अटोकर्प प्रा. लि. ले सम्पूर्ण भेष्पा र अप्रिलिया चालकहरूलाई बालजुस्थित नयाँ सर्भिस सेन्टर, आर एस सर्भिस हब प्रा. लि. मा स्वागत गर्दै विश्वसनीय सेवा अनुभव लिन हार्दिक आमन्त्रण गरेको छ ।