देशभर बदली : यी स्थानमा भारी वर्षाको चेतावनी, सतर्कता अपनाउन आग्रह

काठमाडौँ । मनसुनको न्यून चापीय रेखाको प्रभावले हाल देशभर सामान्यदेखि पूर्ण बदली रहेको छ। मौसम पूर्वानुमान महाशाखाका अनुसार, पूर्वमा सरदर स्थान वरपर र पश्चिममा सरदरभन्दा केही उत्तरतिर अवस्थित न्यून चापीय रेखाका कारण देशका विभिन्न भागमा वर्षा भइरहेको छ। विशेषगरी मधेस, बागमती, गण्डकी र लुम्बिनी प्रदेशका केही स्थानमा हल्कादेखि मध्यम वर्षा भइरहेको छ।

आज दिउँसो देशभर सामान्य बदली रहनेछ। कोशी, मधेस, बागमती, गण्डकी र लुम्बिनी प्रदेशका साथै देशका पहाडी भूभागका केही स्थानहरूमा मध्यम वर्षाको सम्भावना रहेको छ। बाँकी तराई भूभागका थोरै स्थानहरूमा पनि वर्षा हुन सक्नेछ। महाशाखाले कोशी, मधेस, बागमती, गण्डकी र लुम्बिनी प्रदेशका पहाडी भूभागका एक-दुई स्थानमा भारी वर्षाको समेत सम्भावना रहेकोले आवश्यक सावधानी अपनाउन अनुरोध गरेको छ।