मन्त्रीहरुलाई प्रधानमन्त्रीको निर्देशनः ‘निर्धारित ढंगबाट काम गर्नूस्, चल्दै जान्छ भनेर अब हुँदैन’
मकालु खबर
काठमाडौं । प्रधानमन्त्री केपी शर्मा ओलीले निर्धारित ढंगले काम शुरु गर्न मन्त्रीहरुलाई निर्देशन दिएका छन् ।
काम गर्दै जाऔँ, चल्ते चलाते जति हुन्छ भन्ने हिसावले काम गर्दा कतै नपुगिने उनको भनाइ छ ।
मन्त्रीहरुसँग कार्य सम्पादन सम्झौता गर्दै प्रधानमन्त्री ओलीले युगान्तकारी कामहरु कसरी छिटो सम्पन्न गर्ने भन्ने हिसावले योजनावद्ध रुपमा अघि बढ्न मन्त्रीहरुलाई निर्देशन दिए ।
उनले मिथेन ग्याँस उत्खनन गरी परीक्षण उत्पादन आगामी डिसेम्बरभित्र सम्पन्न गर्नेगरी काम थाल्न निर्देशन दिए । कुन उत्खनन कम्पनीसँग काम गर्दा छिटो हुन्छ, त्यसैअनुसार ठेक्का गरेर अघि बढ्न निर्देशन दिए ।
त्यसका लागि काठमाडौंमा कहाँ कहाँ ट्याङ्की राख्ने भन्ने बारेमा योजना बनाएर अघि बढ्न बताए ।
प्रधानमन्त्री ओलीले चल्नसक्ने उद्योगहरु सञ्चालन गर्न र फलाम खानीहरु पनि छिटो सञ्चालन गर्नुपर्ने बताए ।
मकालु खबर
