‘अवतार : फायर एण्ड एश’ को ट्रेलर सार्वजनिक, डिसेम्बरमा प्रदर्शन हुने

काठमाडौँ । आइकोनिक ‘अवतार’ सिरिजको नयाँ भाग ‘अवतार : फायर एण्ड एश’ को ट्रेलर सार्वजनिक भएको छ ।

यो नयाँ भाग विश्वभरि २०२५ डिसेम्बर १९ मा प्रदर्शनमा आउने छ । ट्रेलर हेर्दा यस वर्षको सबैभन्दा ठुलो र चर्चित चलचित्रमध्ये एक बन्ने सम्भावना देखिन्छ ।

ट्रेलरले पहिले भन्दा भिन्न संसारमा लैजान्छ — जहाँ पहिले हरियाली र शान्ति थियो, अहिले आगो र खरानीले ध्वस्त छ। प्राकृतिक सन्तुलनमा ठुलो संकट आएको छ र नावीहरूलाई एक कठोर मानवीय आक्रमणकारीको सामना गर्नु परेको छ, जसले अत्याधुनिक हतियारहरू प्रयोग गर्दै पान्डोराको अस्तित्वमाथि खतरा ल्याएको छ।

यो रङ्गिन जीवन र विनाशकारी आगोबिचको टकराव जमिनको लागि मात्र होइन, पान्डोराको आत्माको लागि एक कडा संघर्ष देखाउँछ।

यस ‘अवतार : फायर एण्ड एश’ लाई प्रसिद्ध निर्देशक जेम्स क्यामरुनले निर्देशन गरेका हुन्।

हेर्नुहोस् ट्रेलर :