भारतीय राजदूतले भेटे परराष्ट्रमन्त्री राणा, के भयो कुराकानी ?
मकालु खबर २०८१ साउन १ गते
काठमाडौँ । परराष्ट्रमन्त्री डा आरजु राणासँग नेपालका लागि भारतीय राजदूत नवीन श्रीवास्तवले शिष्टाचार भेट गरेका छन् ।
सिंहदरबारस्थित मन्त्रालयमा आज भएको भेटमा उनीहरूबिच नेपाल–भारत सम्बन्धका विविध विषयमा छलफल भएको छ ।
त्यसक्रममा नेपाल–भारत द्विपक्षीय हित, परराष्ट्र सम्बन्ध र जनस्तरको सम्बन्धका विविध आयामबारे छलफल भएको मन्त्री डा राणाको सचिवालयले जनाएको छ ।
भेटमा राजदूत श्रीवास्तवले परराष्ट्रमन्त्री राणालाई बधाई दिँदै कार्यकाल सफलताको शुभकामना व्यक्त गरे ।
परराष्ट्रमन्त्री डा राणाले सोमबार पद तथा गोपनियताको शपथसँगै पदबहाली गरेकी हुन् ।
मकालु खबर २०८१ साउन १ गते
प्रतिक्रिया
सम्बन्धित
